Taoba FF 2019

ფესტივალის გამარჯვებულები (2019) 

თაობამ საერთაშორისო საკონკურსო სექციებში განსახილველად 570-მდე ფილმი მიიღო. საფესტივალო პროგრამაში შეირჩა 23 მოკლემეტრაჟიანი და 1 სრულმეტრაჟიანი ფილმი. საქართველოს ფრანგულ ინსტიტუტსა და გოეთეს ინსტიტუტთან თანამშრომლობით, პროგრამაში წარმოდგენილი იყო დამატებით 3 სრულმეტრაჟიანი ფილმი.

პროგრამისთვის ასევე შეირჩა 5 ქართული მოკლემეტრაჟიანი ფილმი. ქართული მოკლემეტრაჟიანი ფილმების ჩვენებას მოჰყვა კითხვა-პასუხი რეჟისორებთან, სცენარისტებსა და შემოქმედებითი ჯგუფის სხვა წევრებთან.

თაობის მონაწილეებმა ახალგაზრდა აუდიტორიის ჯილდოს გამარჯვებულები ორ კატეგორიაში გამოავლინეს:

მოკლემეტრაჟიანი ფილმების საერთაშორისო კონკურსი
Aurora
აურორა
გერმანია, 2017, 24 წუთი
რეჟისორი: Philip Escobar Jung

1979 წელი. გერმანია, ალპები. ერთხელაც, როდესაც 8 წლის აურორა მამასთან ერთად კარგა ხანს აკვირდებოდა ვარსკვლავთცვენას, ისეთი რამ მოხდება, რაც მის შინაგან სამყაროს სამუდამოდ შეცვლის…

სრულმეტრაჟიანი ფილმების საერთაშორისო კონკურსი
24 weeks
24 კვირა
გერმანია, 2016, 102 წუთი
რეჟისორი: Anne Zohra Berrached

“24 კვირა” ასტრიდის ისტორიას მოგვითხრობს – კაბარეს შემსრულებლის, რომელიც 6 თვის ორსულია. ასტრიდი შეიტყობს, რომ მისი ბავშვი შეზღუდული შესაძლებლობების მქონე დაიბადება. მას და მის ქმარს, მარსუკსს, შეუძლიათ, არჩევანი გააკეთონ, მაგრამ ძალიან ცოტა დრო აქვთ. ძლიერი ხასიათის მქონე და ენამახვილი ასტრიდი თავს დაკარგულად გრძნობს. მისთვის შეუძლებელია კომედიური რუტინის გაგრძელება. მხოლოდ მას შეუძლია ამ მძიმე
გადაწყვეტილების მიღება. რას გააკეთებს? ვინ გადაწყვეტს, ბავშვი სიცოცხლის ღირსია თუ არა?

Taoba FF

კინოჩვენებების განრიგი (2019)

მოკლემეტრაჟიანი ფილმების საერთაშორისო კონკურსი

12 აპრილი

აურორა
Demo Reel
მელოდი
ღმერთის 9 მილიარდი სახელი
ვალდებულების დღე
აკრძალული კარი
ციხესიმაგრე
პატარა თევზი და ნიანგი
გამომწყვდეული

13 აპრილი

გამოფხიზლებული სამყარო
ელოდი
გამომშვიდობება ნანჩანგში
მარიელა
ჩემი სამყაროს აღსასრული
პაულას მარადისობა
იქნებ დღეს…
ROM
რეემიგრანტი

14 აპრილი

არტურ რემბო
გაუჩინარება
დიდი ხანია გარდავიცვალე
ტიბურტინა 63
სამყაროს აღსასრულამდე

სრულმეტრაჟიანი ფილმების საერთაშორისო კონკურსი

11 აპრილი

24 კვირა

გერმანია, 2016, 102 წუთი
რეჟისორი: Anne Zohra Berrached

ფილმი მოწოდებულია საქართველოს გოეთეს ინსტიტუტის კინოარქივის მიერ.

12 აპრილი

ბრავო ვირტუოზო

საფრანგეთი, სომხეთი, ბელგია, 2017, 90 წუთი
რეჟისორი: Lévon Minasian

13 აპრილი

შენი დედაც, გოეთე

გერმანია, 2013, 118 წუთი
რეჟისორი: Bora Dagtekin

ფილმი მოწოდებულია საქართველოს გოეთეს ინსტიტუტის კინოარქივის მიერ.

14 აპრილი

პაციენტები

საფრანგეთი, 2016, 110 წუთი
რეჟისორები: Grand Corps Malade, Mehdi Idir

საქართველოს ფრანგულ ინსტიტუტთან თანამშრომლობით.

თავისუფალი ჩვენებები

12 აპრილი

ვიქტორია

გერმანია, 2015, 138 წუთი
რეჟისორი: Sebastian Schipper

ფილმი მოწოდებულია საქართველოს გოეთეს ინსტიტუტის კინოარქივის მიერ.

14 აპრილი

პარიზული განათლება

საფრანგეთი, 2018, 137 წუთი
რეჟისორი: Jean-Paul Civeyrac

საქართველოს ფრანგულ ინსტიტუტთან თანამშრომლობით.

Taoba FF

ფესტივალის საპატიო სტუმრები

სიამაყით წარმოგიდგენთ პირველი საფესტივალო გამოშვების საპატიო სტუმრებს – ქალბატონ ნანა ჯორჯაძეს და ბატონ გოგი ხოშტარიას.

Nana Jorjadze
ნანა ჯორჯაძე

დაიბადა თბილისში. 1966 წელს მუსიკალური სკოლა დაასრულა, ხოლო 1972 წელს თბილისის სამხატვრო აკადემიის არქიტექტურის ფაკულტეტი. არქიტექტურაში რამდენიმეწლიანი კარიერის შემდეგ 1980 წელს თბილისის თეატრალურ ინსტიტუტში ჩაერიცხა. მისი სამსახიობო დებიუტი მოხდა 1977 წელს ფილმში „რამდენიმე ინტერვიუ პირად თემებზე“, ხოლო რეჟისორის სახით — 1979 წელს ფილმით „მოგზაურობა სოპოტში“. მისმა 1987 წლის ფილმმა „რობინზონიადა ან ჩემი ინგლისელი პაპა“ კანის კინოფესტივალზე „ოქროს ვიდეოკამერა“ მიიღო, და ამასთან კრიტიკოსთა და მაყურებელთა მოწონება დაიმსახურა.

1990-იანებში ის საფრანგეთში გადავიდა და იქ რამდენიმე ფილმი გადაიღო, მათ შორის „შეყვარებული კულინარის 1001 რეცეპტი“ (1996), რომელიც პირველი და დღემდე ერთადერთი ქართული ფილმი გახდა ოსკარის ნომინაციით. იყო სან-სებასტიანის (1987), თელ-ავივის (1989), კანის (1992), პოტსდამის (1993), კარლოვი-ვარის (1997), ვენეციის (1997) საერთაშორისო კინოფესტივალების ჟიურის წევრი.

Gogi Khoshtaria
გიორგი (გოგი) ხოშტარია

1963 წელს დაამთავრა თბილისის სახელმწიფო უნივერსიტეტის ისტორიის ფაკულტეტი. 1964-1990 წლებში მუშაობდა საქართველოს მეცნიერებათა აკადემიის ხელოვნების ისტორიის ინსტიტუტში ლაბორანტად, უმცროს მეცნიერ მუშაკად, უფროს მეცნიერ მუშაკად. მისი ინტერესების სფეროებია ახალი და უახლესი დროის ქართული და ევროპული სახვითი ხელოვნება. 1990-1991 წლებში მუშაობდა საქართველოს საგარეო საქმეთა მინისტრად. კითხულობდა ლექციებს თბილისის სამხატვრო აკადემიაში, თეატრალურ ინსტიტუტში, პედაგოგიურ ინსტიტუტსა და ივანე ჯავახიშვილის სახელობის თბილისის სახელმწიფო უნივერსიტეტში. მინიჭებული აქვს I კლასის საგანგებო და სრულუფლებიანი დესპანის რანგი. არის 50-ზე მეტი სამეცნიერო სტატიისა და ორი მონოგრაფიის ავტორი. 1990-1991 წლებში იყო საქართველოს რესპუბლიკის პირველი მოწვევის უზენაესი საბჭოს წევრი, ხელი აქვს მოწერილი საქართველოს სახელმწიფოებრივი დამოუკიდებლობის აღდგენის აქტზე (1991 წლის 9 აპრილი).

Taoba FF

თაობა 2018 – ანონსი

კულტურისა და განათლების ფონდის და მოსწავლე-ახალგაზრდობის ეროვნული სასახლის ერთობლივი ორგანიზებით, 2018 წლის 29 მარტიდან 2 აპრილის ჩათვლით ტარდება საერთაშორისო ახალგაზრდული კინოფესტივალი „თაობა“. პროექტი განხორციელდება საქართველოს, სომხეთის და აზერბაიჯანის პირველი დამოუკიდებელი რესპუბლიკების 100 წლის იუბილესთან დაკავშირებით.

2019 წლიდან ფესტივალი ყოველწლიურ სახეს მიიღებს, როგორც კავკასიაში ერთ-ერთი ყველაზე მასშტაბური კინოფესტივალი.

ფესტივალის მოდელი მორგებულია საუკეთესო უცხოურ გამოცდილებაზე, რაც კინოხელოვნების საშუალებით ახალგაზრდების ანალიტიკური აზროვნების დონის განვითარებას, მასტერკლასების და ლექციების საშუალებით ნიჭიერი ახალგაზრდების აღმოჩენას და მათ უცხოურ კინოფესტივალებში მონაწილეობის ხელშეწყობას გულისხმობს.

„თაობა“ უკვე თანამშრომლობს დიპლომატიურ წარმომადგენლობებთან და სხვადასხვა საერთაშორისო ორგანიზაციასთან.

პროექტის მიზანი ახალგაზრდა აუდიტორიის განვითარება და კინოხელოვნების საგანმანათლებლო მიზნებისთვის გამოყენებაა.

memorandum

ეროვნულ სასახლესთან პარტნიორობის გაძლიერება

2018 წლის 17 იანვარს, კულტურისა და განათლების ფონდის (CEF) სამხატვრო ხელმძღვანელმა, ნინო ქავთარაძემ და ეროვნული სასახლის დირექტორმა, თიკა რუხაძემ თანამშრომლობის მემორანდუმს მოაწერეს ხელი.

მემორანდუმის საფუძველზე, მოსწავლე-ახალგაზრდობის ეროვნული სასახლე ოფიციალურად გახდა ახალგაზრდული საერთაშორისო კინოფესტივალის “თაობა” მასპინძელი და თანაორგანიზატორი.