Posts in category: სიახლეები

ომის მიუხედავად, უკრაინა უმასპინძლებს კინოფესტივალს “The Taste of Independence”

ბავშვებისა და ახალგაზრდობის არაფორმალური განათლების დაწესებულებების ევროპული ასოციაცია (EAICY) პარტნიორებთან: საერთაშორისო ახალგაზრდულ კინოფესტივალთან „თაობა“ (საქართველო) და ბავშვების და ახალგაზრდების ანიმაციის ფესტივალთან „ANIMOK“ ერთად, უკრაინელი ბავშვებისთვის ატარებს კინოფესტივალს „დამოუკიდებლობის გემო“, რომელიც უკრაინის დამოუკიდებლობის დღეს ეძღვნება.

პირველი საფესტივალო გამოშვება 2022 წლის 22-23 აგვისტოს გაიმართება. პროგრამა მოიცავს ქართველი და დანიელი კინოხელოვანების მიერ შექმნილ სრულმეტრაჟიან, მოკლემეტრაჟიან და ანიმაციურ ფილმებს.

კინოფესტივალი ონლაინ ფორმატში ჩატარდება და მას უკრაინის სკოლისგარეშე განათლების სახელმწიფო ცენტრი უმასპინძლებს, რომელიც სკოლისგარეშე განათლების წამყვანი ინსტიტუციაა უკრაინაში.

ფესტივალის აუდიტორიას, ევროპული კინოს მაყურებელი, ათასობით ბავშვი და ახალგაზრდა წარმოადგენს. იგეგმება, რომ ფესტივალი ყოველწლიური გახდეს და მასში ჩაერთონ კინოპროფესიონალები, რომლებიც მხარს უჭერენ საქართველოსა და უკრაინის ტერიტორიულ მთლიანობას და მშვიდობას მსოფლიოში.

კინოჩვენებები:

22.08.2022 – ახალგაზრდებისა და ზრდასრული აუდიტორიისთვის

• მოუსმინე სიჩუმეს (საქართველო, 2016, 80′). რეჟისორი მარიამ ჭაჭია
• უცნაური ხმა (დანია, 2013. 6′). ANIMOK children and youth animation festival, a part of The Animation Workshop, VIA university college
• თუთიყუში მოშორებით (დანია, 2015, 6′). ANIMOK children and youth animation festival, a part of The Animation Workshop, VIA university college

23.08.2022 – ბავშვებისთვის

• გუშაგები (საქართველო, 2021, 26′). რეჟისორი სანდრო სულაძე
• ზოლემია (საქართველო, 2021, 9′). რეჟისორი ნინა სამანიშვილი
• ჟელე (დანია, 2022, 1′). ANIMOK children and youth animation festival, a part of The Animation Workshop, VIA university college
• დინგ-დონგ (დანია, 2022, 1′). ANIMOK children and youth animation festival, a part of The Animation Workshop, VIA university college
• არ დამივიწყო (დანია, 2019. 7′). ANIMOK children and youth animation festival, a part of The Animation Workshop, VIA university college
• გასეირნება (დანია, 2012, 5′). ANIMOK children and youth animation festival, a part of The Animation Workshop, VIA university college

ორგანიზატორები მადლობას უხდიან ყველა კინოხელოვანს, ვინც შეუერთდა ფესტივალის პირველ გამოშვებას.

შენიშვნა: უკრაინის დამოუკიდებლობის დღე ყოველწლიურად აღინიშნება 24 აგვისტოს.

ბავშვებისა და ახალგაზრდობის არაფორმალური განათლების დაწესებულებების ევროპული ასოციაცია არის ევროპული ქოლგა ორგანიზაცია, რომელიც აერთიანებს არაფორმალური განათლების ორგანიზაციების ეროვნულ პლატფორმებსა და არაფორმალური განათლების დაწესებულებებს.

უკრაინის არაფორმალური განათლების დაწესებულებების სახელმწიფო ცენტრი – უკრაინის წარმომადგენელი EAICY-ში, არის სახელმწიფო საგანმანათლებლო დაწესებულება, რომელიც კოორდინაციას უწევს სკოლისგარეშე განათლების დაწესებულებების საქმიანობას მხატვრულ და ესთეტიკურ მიმართულებებსა და STEM განათლებაში.

2018 წელს, ეროვნული სასახლისა და კულტურისა და განათლების ფონდის მიერ დაარსებული კინოფესტივალი „თაობა“ არის ერთადერთი საერთაშორისო ახალგაზრდული კინოფესტივალი საქართველოში, რომელიც ემსახურება ახალგაზრდა აუდიტორიის განვითარებას და კინოგანათლების ხელშეწყობას.

ANIMOK არის დანიური ანიმაციური ფესტივალი ბავშვებისა და ახალგაზრდებისთვის. ANIMOK-ის მიზანია ბავშვებისთვის სოციალური, კულტურული და შემოქმედებითი საკითხების განვითარება. ANIMOK მუშაობს ადგილობრივ, ეროვნულ და საერთაშორისო ინიციატივებთან. ANIMOK არის The Animation Workshop/VIA University College (TAW) ნაწილი და აქვს გამოცდილება განათლების, კულტურის, კომუნიკაციისა და ბიზნესის განვითარების სფეროებში. იგი სარგებლობს ხელოვანთა, პროფესიონალების, კომპანიების, დამფინანსებელი ინსტიტუციებისა და პარტნიორი სკოლების ძლიერი საერთაშორისო ქსელით.

კინოფესტივალი “თაობა” ახალგაზრდა კინოკრიტიკოსებისთვის სასწავლო კურსს იწყებს!

პროექტის ფარგლებში, პროფესიონალი კინომცოდნის მენტორობით, 20 წინასწარ შერჩეული ახალგაზრდა ისწავლის კინოს ისტორიას, ფილმების ანალიზსა და რეცენზიებზე მუშაობას. პროექტის განმავლობაში ყოველ მონაწილეს მოუწევს სამი რეცენზიის დაწერა (ჯამში 60 ფილმი, როგორც ქართული, ასევე უცხოური კინოპროდუქცია). შექმნილი მასალები განთავსდება საიტზე www.filmeducation.ge

პროექტის დასრულების შემდეგ, მონაწილეებს ექნებათ საჭირო თეორიული ცოდნა და პროფესიული უნარები. ასევე, შეძლებენ დაესწრონ კინოპრემიერებს კინოთეატრ ამირანში და მიიღებენ აკრედიტაციებს კინოფესტივალ „თაობაზე“.

განხორციელების პერიოდი: აპრილი-ივნისი, 2022

მონაწილეთა ასაკობრივი ჯგუფი: 16-დან 20 წლის ჩათვლით.

შეხვედრები გაიმართება ფიზიკური ფორმით, ყოველ შაბათს ან კვირას, 16:30-დან 18:00-მდე, ილია ჭავჭავაძის ლიტერატურულ-მემორიალურ მუზეუმში (თბილისი, ივანე ჯავახიშვილის ქუჩა N7).

ორგანიზატორები: ეროვნული სასახლე (კინოფესტივალი თაობა), მუზეუმების გაერთიანება, კულტურის და განათლების ფონდი, კინოთეატრი ამირანი

მხარდამჭერი: ქალაქ თბილისის მუნიციპალიტეტის მერია

25-30 სექტემბერს თბილისი უმასპინძლებს საერთაშორისო ახალგაზრდული კინოფესტივალის “თაობა” მე-4 გამოშვებას, რომელიც წელს COVID-19-ის პანდემიით გამოწვეული შეზღუდვების გამო მხოლოდ ქართველი ახალგაზრდა აუდიტორიისთვის გაიმართება.

საკონკურსო სექციებში 4 სრულმეტრაჟიანი და 19 მოკლემეტრაჟიანი ფილმი იქნება წარმოდგენილი.

ფესტივალი ასევე საშუალებას აძლევს 19-21 წლის სტუდენტებს, რომლებიც დაინტერესებულნი არიან კინოხელოვნებით, პროექტის “თაობის აკადემია” ფარგლებში ქართველი კინოპროფესიონალების მასტერკლასებს დაესწრონ.

ფესტივალი 25 სექტემბერს კინოთეატრ ამირანში გაიხსნება “ჯიმ ბატონისა და ველური 13”-ის ქართული პრემიერით.

Taoba FF 2021-ის პარტნიორები და მხარდამჭერები არიან: თბილისის მერია; საქართველოს კულტურის, სპორტისა და ახალგაზრდობის სამინისტრო; საქართველოს კინემატოგრაფიის ეროვნული ცენტრი; საქართველოს გოეთეს ინსტიტუტი; საქართველოს ფრანგული ინსტიტუტი; იტალიის საელჩო საქართველოში; C. Bechstein Pianoforte AG; კინოთეატრი ამირანი.

კინოფესტივალის შესახებ:
კულტურის და განათლების ფონდისა და ეროვნული სასახლის მიერ 2018 წელს დაარსებული კინოფესტივალი, ერთადერთი ქარტული კინოფესტივალია, რომელიც სრულად ორიენტირებულია ახალგაზრდა აუდიტორიის განვითარებზე, მათი შესაძლებლობების წარმოჩენაზე, ქვეყანაში კინოგანათლების განვითარებასა და საზღვარგარეთ ქართული კულტურის პოპულარიზებაზე.

ფესტივალის მისიაა ახალგაზრდების კრიტიკული, შემოქმედებითი და ანალიტიკური უნარების განვითარება და კინოხელოვნების საშუალებით მნიშვნელოვან სოციალურ საკითხებზე დიალოგის სტიმულირება.

“თაობაში” ასობით ახალგაზრდა იღებს მონაწილეობას, რომელთა შერჩევაც კონკურსის საფუძველზე ხდება, ახალგაზრდები უყურებენ მათთვის შერჩეულ ფილმებს, ერთვებიან დისკუსიებში, საგანმანათლებლო და გასართობ აქტივობებში. ფესტივალის მონაწილეთა 25% რეგინებში მცხოვრები ახალგაზრდები არიან. ყოველ საკონკურსო კინოჩვენებას მოსდევს დისკუსია, რომლის დროსაც მონაწილეები განიხილავენ ფილმებში წამოდგენილ სოციალურ საკითხებს. ფესტივალის ბოლო დღეს მონაწილეები ხმას აძლევენ საუკეთესო მოკლემეტრაჟიან და სრულმეტრაჟიან ფილმსს. გამარჯვებული ფილმების რეჟისორებს ახალგაზრდა აუდიტორიის ჯილდოები გადაეცემათ.

არსებობის ოთხი წლის განმავლობაში “თაობა” გახდა პლატფორმა კინოგანათლების პოპულარიზებისა და ახალგაზრდა აუდიტორიის ჩართულობის მხარდასაჭერად. 2020 წელს, მიუხედავად პანდემიური გამოწვევებისა, “თაობას” წარმატებული გამოშვება ჰქონდა: ძირითადი პროგრამა ფიზიკურ ფორმატში ჩატარდა. ფესტივალმა ასევე დააფუძნა კინოგანათლების პირველი ქართული პლატფორმა www.filmeducation.ge

პრესრელიზი Film New Europe-ზე

25-30 სექტემბერს “თაობამ” სამი წლის იუბილე აღნიშნა.
COVID-19-ით გამოწვეული პანდემიის გამო მოქმედი შეზღუდვების შესაბამისად, ფესტივალი მხოლოდ ქართველი მონაწილეებისთვის ჩატარდა.
ასობით ფილმს შორის, კინოპროგრამერების გუნდმა, საერტაშორიოს კონკურსებისთვი 20 მოკლემეტრაჟიანი და 4 სრულმეტრაჟიანი ფილმი შეარჩია.

ფესტივალის მონაწილე ახალგაზრდებმა ხმათა უმრავლესობიტ გამოავლინეს გამარჯვებული ფილმები:

სრულმეტრაჟიანი ფილმების საერთაშორისო კონკურსი
უარყოფითი რიცხვები
რეჟისორი და სცენარის ავტორი: უტა ბერია
საქართველო, საფრანგეთი, იტალია,, 2020, 110 წუთი

მოკლემეტრაჟიანი ფილმების საერთაშორისო კონკურსი
ღარიბი ბავშვის ტიპური სახელი
რეჟისორი: ემანუელე ალდროვანდი
იტალია, 2019, 15 წუთი

2020 წლის 25 სექტემბერს ბოლნისის მუზეუმმა (საქართველოს ეროვნული მუზეუმი) თაობის აკადემიას უმასპინძლა, რომელშიც 45 ახალგაზრდა იყო ჩართული. 19-დან 22 წლამდე ასაკის სტუდენტები დაესწრნენ ახალგაზრდა, ქართველი კინოპროფესიონალების ლექციებს. მოწვეული სპიკერები იყვნენ:

• უტა ბერია – კინორეჟისორი
• დათა ფირცხალავა – კინორეჟისორი
• ნუცა წიქარიძე – დრამატურგი და პროდიუსერი

სპიკერებმა ასევე ისაუბრეს უტა ბერიას ახალი ფილმის “უარყოფითი რიცხვების” გადაღების პროცესზე, რომელიც წარდგენილია ფესტივალის სრულმეტრაჟიანი ფილმების საერთაშორისო კონკურსში.